СПМ оценува дека Заев и Османи се трговците со македонските идентитетски прашања кои мора да одговараат за велепредавства и да ги сносат штетите

Социјалистичката партија на Македонија оценува дека повторно се случи нов срамен настап на Бујар Османи кој упорно се обидува да ја убеди македонската јавност дека Грција го исполнила Преспанскиот договор, а Македонија не.

Овој залутан хирург, кој очигледно е недоволно подготвен за надворешната политика, до последниот ден злобно работи против својата држава.

Османи сфаќа дека народот не го прифаќа Преспанскиот договор кој е предавнички за Македонија и македонскиот народ но и натаму упорно лаже дека со тоа се остварува евроатланската перспектива.

Ретроградните и поразителни политики на Бујар Османи ќе бидат запаметени како не треба да се работи за Македонија, а тој упорно работеше и работи за други држави и интереси на штета на македонските.

Запирањето на патот на Македонија кон Европа е заслуга на СДС и ДУИ односно на Заев и Османи и нивните криминални и коруптивни предавнички политики во земјата и подреденоста кон соседите.

Социјалистичката партија на Македонија оценува дека Заев и Османи се трговците со Македонските идентитетски прашања кои мора да одговараат за велепредавства и да ги сносат штетите.