Честит 1 мај

Честит 1-ви Мај на сите кои со својот труд и посветеност градат подобра иднина за сите нас!

Денот на трудот е симбол на борбата за работничките права и достоинството. Да го чуваме трудот, да се грижиме за работникот и да градиме подобра иднина за сите!

1-ви Мај во историјата е врежан како симбол на човечкото достоинство и непокорот. Денес не се потсетуваме само на минатото и на историските борби за осумчасовен работен ден, денес гласно зборуваме за слободата на трудот и за вредноста на секој поединец во нашето општество.

А токму работниците се темелот на секое општество.

Ако трудот го создал човекот, денес порачуваме дека трудот мора да го почитува човекот!

Вистинската слобода на трудот не е само правото на работа, туку тоа е и правото на достоинствена работа. Тоа е правото на правична плата, на социјална сигурност и на безбедна иднина за нашите семејства.

Трудот не смее да биде товар или експлоатација. Тој треба да биде креативна сила преку која секој од нас се остварува себеси и придонесува за заедницата која подеднакво се грижи за секого.

Затоа, денес ја славиме солидарноста, онаа невидлива нишка што нè поврзува сите нас, без разлика на професијата.

Кога еден работник е обесправен, сите сме засегнати. Кога еден напредува, сите одиме напред.

Ви посакуваме овој празник да го поминете спокојно, но и со обновена надеж. Нека ни биде мотив да продолжиме да градиме општество во кое социјалната правда не е само пишан збор, туку реалност што ја живееме. Општество во кое трудот е ценет, а работникот е слободен, достоинствен и горд.

Да живее трудот!

Да живее солидарноста!

Честит 1-ви Мај!

Ваша

Социјалистичка партија

на Македонија