Posts

ПОБЕДНИЧКА СОВЕТНИЧКА ЛИСТА НА КОАЛИЦИЈАТА ”ОБНОВА НА МАКЕДОНИЈА”’ ЗА БИТОЛА !!!

Советничкиот тим на Коалицијата “Обнова на Македонија” и на кандидатот за градоначалник д-р Тони Коњаноски за новиот почеток на Битола🇲🇰❗

Социјалистичка партија на Македонија дава силна поддршка на кандидатот за советник и новата гордост на СПМ Битола м-р Марта Ѓоргиевска која на претстојните Локални избори ќе настапи како дел од обединетата коалиција “ЗА ОБНОВА НА МАКЕДОНИЈА ”
ПОБЕДА ЗА БИТОЛА❗🇲🇰
ПОБЕДА ЗА МАКЕДОНИЈА❗🇲🇰

ПОБЕДНИЧКА СОВЕТНИЧКА ЛИСТА НА КОАЛИЦИЈАТА ”ОБНОВА НА МАКЕДОНИЈА”’ ЗА ОХРИД !!!

Пред нас е голема победа‼
Промените почнуваат од Охрид❗
Време е❗
Победничката листа на советници на Коалицијата “Обнова на Македонија”, заедно со кандидатот за градоначалник на Општина Охрид Крил Пецаков❗

ПОБЕДНИЧКА СОВЕТНИЧКА ЛИСТА НА КОАЛИЦИЈАТА ”ОБНОВА НА МАКЕДОНИЈА”’ ЗА ГЕВГЕЛИЈА !!!

Победничката советничка листа на Коалицијата “Обнова на Македонија” и Андон Сарамандов, кандидат за градоначалник на Гевгелија❗
Поддршка за Надица Ристовска кандидат за советник од Социјалистичката партија на Македонија🇲🇰

ПРЕДЛОГ ОДЛУКА ЗА РАЗРЕШУВАЊЕ НА МИНИСТЕРОТ ЗА ЗДРАВСТВО ВЕНКО ФИЛИПЧЕ

Пратеничката група на ВМРО-ДПМНЕ и Коалицијата „Обнова на Македонија“ ќе достави предлог одлука за разрешување на министерот за здравство Венко Филипче заради лошиот менаџмент на здравствената криза која што кулуминираше со трагичниот случај на новоизградената болница во Тетово која што се запали и за жал однесе 15 човечки животи.
Оваа предлог одлука ја засноваме на членот 68 од Уставот на Република Македонија, а слична таква предлог одлука доставиле оние кои што денеска ја критикуваат односно пратеничките групи на СДСМ и НСДП во 2013 година, 25 октомври врз основа на овој член доставиле предлог одлука за разрешување токму на оваа уставна норма.
Она го кажа Претседателот на Собранието, господинот Талат Џафери дека тој ќе одбие една ваква предлог одлука како неоснована, ние имаме едно прашање за господинот Џафери.
Дали господинот Џафери е избран од граѓаните кои што треба да ги штитиме или тој е избран за да ги штити министрите?
После една ваква катастрофа кава што беше горењето на болницата во Тетово, сметаме дека Талат Џафери треба да се стави во улога на заштита на граѓаните и конечно да искаже политичка воља оставката на Венко Филипче да биде констатирана во Собранието бидејќи после една ваква катастрофа најмалку што може Собранието да направи за граѓаните е да ја констатира оставката на Филипче, а потоа истражните органи да си ја водат работата кон тоа дали и кој сноси кривична одговорност.
Има и прашања зошто не поднесовме Интерпелација за Венко Филипче што е исто така уставна и деловничка можност, одговорот е едноставен. ВМРО-ДПМНЕ и Коалицијата „Обнова на Македонија“ пред три години поднесоа интерпелација против тогашниот министер за култура Роберт Алаѓозовски и таа интерпелација Талат Џафери три години ја криеше во фиока, никогаш не дојде на дневен ред. Имаме уште неколку тековни интерпелации поднесено против министри од тековната Влада и Талат Џафери сеуште ги чува во фиока и не се дојдени на дневен ред. Затоа, не сакаме да си играме со ваквите можности затоа што Талат Џафери се поставува како заштитник на министрите, како да е министер во Владата, а не Претседател на Собранието како граѓански демократски дом.
Затоа цениме дека оваа катастрофа во Тетово кон жртвите, нивните семејства, но и кон сите пациенти и граѓани треба да ја завршиме со констатација на оставката на министерот Филипче тука во Собранието и да се избере нов министер за здравство кој што ќе може на подобар начин да го води овој ресор.

ПОЖАРИТЕ И ПОСЛЕДИЦИТЕ

Пожари имало и ќе има, не само кај нас туку во целиот свет. Прашањето е како државата е подготвена да се справи со оваа непогода (елементарна или предизвикана), која сериозно го загрозува човековото живеење.
Пожарите во Македонија во овој август станаа сериозен проблем, не само домашен туку и меѓународен. Опасноста од проширување во соседните држави е реална и од таму се бара помош во поширок контекст од други држави и средини. Гаснењето станува меѓународна акција и тогаш се согледува колкаво е македонското заостанување во превенцијата од пожари, неинвестирањето во материјални и човечки ресурси.
Секој граѓанин се прашува дали власта и надлежните институции се подготвени за справување со пожарите и со други непогоди? Се покажа дека власта не само што не е подготвена туку е и несериозна, неделотворна и се одмара на плажа кога треба да се гаснат пожари. Нереално е дури и за неверување и предизвикува големо разочарување. А владините портпароли се трудат да ги убедат граѓаните дека власта преку интернет и телефонски ќе ги гаси пожарите
Излегува како власта да не размислувала за заштита и за безбедност на сопствените граѓани и шумскиот фонд. Тоа е серизен удар на кредибилноста на државата на меѓународен план со оглед дека се доживува како непособна и несеризна.
Штетите од пожарите се големи и допрва ќе се согледуваат, од еколошки, просторен и социо-економски аспект. Горењето го ослободува СО2, се загадува животната средина, а не се ослободува кислород од изгорените шуми. Почвата не ја прима дождовната вода, се јавуваат поплави и ерозија на земјиштето. Поплавите и ерозијата предизвикуваат дополнителна штетата кај населението со што се мултиплицираат штетите и последиците од пожарите.
Подземните води и изворите на вода се намалуваат, како и квалитетот на водата, која е загадена од пепелот кој се разнесува после пожарот. Во просек обновата на изгорениот шумски фонд трае и до 50 години со што генерации нема да можат да ги добиваат корисните ефекти од шумскиот фонд, дрво за граѓа и за огрев, шумските плодови, можности за рекреација, туризам и друго. Се намалува економската активност во сектори кои се поврзани со шумите и потоа следи невработеност, миграции и опустошување на цели региони во државата.
Последиците допрва ќе се осознаваат зошто не се трошат средства само за гаснење на пожарите туку е неопходно да се планираат за обнова на изгореното и за уништената шума, плодна земја, посеви, фарми, инфраструктура и друго. Промени во институциите се неопходни каде треба да се ангажираат стручни и способни кадри.
Затоа народот од целата држава треба да помни што, како и кој дејствувал за да ги спаси животот на граѓаните, нивниот имот, шумите или во целина флората и фауната во државата.

НЕНАСИТНОСТ И СИРОМАШТИЈА

Според податоци на Државниот завод за статистика, стапката на раст на бруто-домашниот производ за првото тримесечје од 2021 година е -1.9 %.
Доколку се има предвид дека и во изминатите три тромесчја стапката е негативна, се потврдува длабоката рецесија во Македонија.
Продолжува агонијата во државата.
Власта ја уверува јавноста дека економијата цвета, а не ја споменува рецесијата ниту предлага мерки за нејзино справување. Очигледна е манипулацијата и измената на тези за постигнување политички поени.
Власта не ја забележува ни инфлацијата која се забрзува и ги осиромашува граѓаните.
Недоволни се приходите за да се покријат трошоците на едно просечно семејство.
Осиромашуваат грѓаните и материјално, но и духовно, културолошки и за националните прашање.
Политиката која се води е со цел да се сокријат негативностите кои секојдневно се множат.
Власта ветува раст на платите, повеќе како предизборен поткуп, од колку како мерка за намалување на сиромаштијата.
Сиромаштијата е се поголема и државата е на прво место во Европа по процентот на сиромашни граѓани.
Напроти тоа елитата се загуби во својата ненаситност, што повеќе да се земе и да се потроши за лични цели, за богатење и за расипништво.
Така не се одесувале ниту колонизаторите кон колониите кои ги експлотирале безмилосно.
Елитата не ни мисли за потребите на граѓаните. Отуѓеноста и нивниот стремеж за лично изобилство доведува до постојана инфлација, раст на цените, паѓање на реалните плати, урбана и рурална сиромаштија, миграција и очекувано недостиг на храна и протести за плати и за храна.
Во услови на пандемија и пожари се спрема славење на малцинството како воени победници над мнозинството и како профитери на парите од граѓаните.
Апсурдност на малцинскиот елитизам кој е незаситен во апархејтските барања.
Превработеноста се зголемува пред избори и се случува хипервработеност во државните органи и институции.
За тоа треба пари кои власта ги позајмува.
Слоганот: „Ако немаш пари, купи си“ сфатен е буквално и се реализира преку енормно домашно и странско задолжување.
Нема граница на растот на долгот.
Финалето е: државен банкрот и потпаѓање под должничко ропство, следено со народни буни и востанија.
Бројот на функционери рапидно и непотребно се зголемува на трошок на граѓаните.
Елитата е ненаситна и сама се репродуцира и се бори за елитни позиции во државата.
За способноста на одбраните не се води сметка, важно е да се добие функција па макар и измислена.
Ненаситноста на елитите и зголемувањето на сиромаштијата водат кон намалувањето на силата на економијата и на државноста која се топи пред очите на отуѓените граѓани.
Колку порано ќе го соглдаат сето ова толку подобро за нив за да се создаде критична маса за промени во државата кои се неопходни.

ИЗБОР НА НОВ ПРЕТСЕДАТЕЛ НА ГРАДСКАТА ОРГАНИЗАЦИЈА

Реализација на зацртаните внатре партиски активности и со Изборното Собрание на Градската организација на Социјалистичката партија на Македонија.
Ангеле Сотировски едногласно е избран за претседател на Градската организација. Исто така избран е Градскиот Одбор во нов состав.
Извештај за претходниот 4 годишен период поднесе доскорешниот претседател проф.др.Јован Пејковски, актуелен поптпретседател на СПМ.
Исто така, свое обраќање до присутните имаше и претседателот на СПМ, Љупчо Димовски со осврт на партиските политики и актуелната состојба.
   

НЕСРАЗМЕРНОСТ

Одењето во пензија различно се доживува. За некого тоа е свечен чин за лицето кое стасало до крајот на работниот век па со испраќањето од колегите му се честита и му се посакува „долго да му трае пензијата“. За други лица одењето во пензија е казна заради малите пензии, често се случува тоа да е почеток на нови работни ангажмани кои не се пријавени (на црно).

Дали пензионирањето е можност за мирна старост како што идеално се претставува или…
Дали над 325 илјади пензионери во Македонија ја имаат таа можност да ги уживаат резултатите од 40 годишно работење.
Секако дека сликата воопшто не е розова.

Постои несразмерност во поглед на висината на пензиите. Тоа раѓа незадоволство кај 70% од пензионерите. Тие се жалат дека неможат да преживеат со ниските пензиски примања. Не стасуваат парите за храна и лекови, велат тие.

Власта најчесто се соочува со пензионерите пред изборите.
Тие се сериозно гласачко тело и често од нив, и нивните семејства, зависи кој ќе ги добие изборите.
Затоа им се најавуваат ветувања на пензионерите дека „и до година пензиите ќе растат“. Небаре тоа е подарок, а не стекнато право.

Демографското стареење, продолжениот животен, век се одразија на капацитетот на Фондот за пензиско инвалидско осигурување. Тој ја обавува својата функција со постојана месечна дотација од Буџетот на државата.
Власта кон тоа гледа голем товар од кој сака да се ослободи.
Наједноставно е да ги намали или укине пензиите на паензионерите.
Тоа еднаш и се случи, кога владата на Црвенковски им ги намали пензиите на граѓаните за 8% и никогаш тој износ не им беше надоместен.

Согледувајќи дека тоа е можно, власта на актуелниот премиер Заев го измени Законот за пензиско инвалидско осигурување. Наместо растот на пензиите да базира на две основи како што беше предвидено (половина од индексот на трошоци на живот и половина од просечниот раст на исплатената плата) сега е сведен само на половина од растот на инфлацијата преку трошоците за живот.
Власта се фали дека растат платите за 8,8%, ама пензиите не се поврзани со тој раст, а треба, и тоа за половина од тој раст да се зголемат и пензиите.
Се зголемува несразмерот на плата/пензија и јазот станува уште подлабок.
На долг рок тоа се сериозни средства кои се одземени од пензионерите.
Дали е реално во услови кога цените на енергијата, храната и основините семејни потреби се зголемуваат растот на пензии да е намален.
Затоа е изразен сомнеж во објавените податоци.
Лагите на власта се множат.
Последниот намален раст на пензиите од 1,2% го потврдува негативниот однос на власта кон пензионерите.
А медиумите под контрола на власта ја фалат дека тоа е голем успех.
Само за кого?

Всушност тоа е кражба на власта од пензионерите за да се фали дека пензиите ќе се исплаќаат пред време.
Не кажува која е цената на таа мерка, зошто ништо нема бесплатно особено кај банките кои ја вршат исплатата.
Пензионерите се мудри луѓе и треба да знаат дека кога еднаш некој ќе брцне рака во нивниот џеб тоа ќе го прави повторно и повторно.

Мудроста треба да се изрази на ибори и да се одбере партија со социјален односно социјалистички предзнак која е посветена на овие граѓани и со години се бори за нивните права и за поголеми пензии.

ЈП

НА РАСИПНИЧКОТО ТРОШЕЊЕ НА НАРОДНИТЕ ПАРИ НА ВЛАДИНАТА КОАЛИЦИЈА МУ НЕМА КРАЈ

За жал ова е уште една изгубена година за Република Македонија. Парите на граѓаните ќе завршат кај криминалците од власта, а за народот ќе останат само долговите, повисоките сметки и сиромаштијата.
За само 4 години, долгот на Република Македонија оваа Влада го зголеми за нови 2,4 милијарди евра односно на 63% од БДП. Од кога е СДСМ на власт, годишно се задолжуваме за нови 600 милиони евра. Вакво неодговорно однесување не е забележано досега во историјата на државата.
Ветуваа живот за сите, а испорачаа живот кој е се’ поскап, цените се’ повисоки, а граѓаните едвај врзуваат крај со крај. Основните прехранбени продукти се поскапени за 10-тина проценти во последниве месеци и години.
Како одговорни пратеници во текот на амандманската расправа поднесовме бројни амандмани со кои сакавме да истакнеме три приоритети:
– Заштита на здравјето на граѓаните;
– Стимулирање на економијата преку капитални инвестиции;
– Спречување на расипничко трошење на народните пари;

Жалиме што власта не собра храброст да прифати амандмани за набавка на 20 противпожарни возила, за амбулантни возила, за финансиска помош за текстилната и кожарската индустрија, за враќање на средствата на граѓаните кои се вакцинираа во земји од соседство и многу други амандмани кои суштински ќе направеа разлика и ќе го подобреа животниот стандард на граѓаните.

Македонија е најзадолжена во историјата, а последиците од ова недомаќинско работење ќе ги почувствуваат и сегашните, но и идните генерации.
Ова е доказ дека власта се води од мотото, купи ден – помини, без нималку грижа за последиците.

Пратеничка група
на Коалицијата „Обнова на Македонија“

НА ПЛЕНАРНА СЕДНИЦА МНОЗИНСТВОТО, СОБРАНИЕТО НА МАКЕДОНИЈА ГО СВЕДЕ НА ОБИЧНА МЕСНА ЗАЕДНИЦА

На денешната пленарна Седница мнозинството Собранието на Република Македонија го сведе на обична месна заедница или потточно на куќен совет‼

Имено, наместо претставниците на МВР (министерот/заменикот за внатрешни работи или нивните повереници), како што е наведено во официјалниот Меморандум на Владата, “потребата” од скратената постапка за носење на ПЗ за изменување и дополнување на Законот за државјанството на Република Македонија ја образложи, ни помалку, ни повеќе и од никаде прозван, а ни најмалку овластен и од “задачата” самиот изненаден министерот за правда Маричиќ⁉️

Подоцна, по појавувањето на овластениот владин претставник, надвор од сите деловнички одредби, следи еднострано поништување на гласањето, со лесно и премолчено одобрување на мнозинството, и повторно гласање врз основа на новото образлагање од претставникот на предлагачот на законското решение⁉️

Законот за работа на Влада и Деловникот на Собранието на Република Македонија се сосема небитни за собраниското мнозинство кое со невидена леснотија свесно го приреди денешниот циркуз❗

Демократијата е оддамна заборавена и напуштена пракса како сериозно парламентарно работење. Битно е владиниот собраниски сервис да функционира беспрекорно по цена на газењето врз достоинството пред сè на пратениците од таканареченото и скоро непостоечко парламентарно мнозинство‼

Кога се зборува за демократија и правда нив најмалку ги има таму каде што најмногу е потребно да се почитуваат во највисокиот законодавен дом, затоа што газењето врз пратениците како народни претставници всушност претставува газење врз волјата на избирачите, односно на граѓаните на Република Македонија❗