Честитка за празникот Св.Климент Охридски

Почитуван г. г. Стефан,
Дозволете ми лично и во име на членовите на Социјалистичката партија на Македонија Вам, на членовите на Светиот архиерејски синод, на целото свештенство и монаштво и на сите верници од православната вероисповед, искрено да Ви го честитам празникот Свети Климент Охридски.
Основоположник на македонската црковна и народна духовност, патрон на Македонската православна црква – Охридска архиепископија и со продлабочувањето и унапредувањето на словенската просвета, проддолжувач на делото и мисијата на Светите браќа Кирил и Методиј.
Свети Климент Охридски со отворањето на Охридската книжевна школа, Првиот универзитет на Балканот, е тој што остави непроценлив придонес во словенската култура. Неговото духовно и книжевно дело е трајно врежано во душата на македонскиот народ и во неговото културно наследство, подеднакво и во историјата и традицијата на европските народи и земји.
Мудроста на Свети Климент Охридски е втемелена во светогледот на нашиот народ и на нејзините духовни вредности се развива и нашата света Македонска православна црква.
Затоа, поттикнати од неговото величенствено дело, во овие сложени времиња исполнети со многу опасности и предизвици, покорно молиме барајќи ја неговата вековна заштитничка грижа за нашиот македонски народ во напорот за сочувување на нашето битие и негово спокојно проддолжување.
Со неговата света мудрост за нас и за нашите поколенија да обезбедиме подостоен живот со чинење добри дела исполнети со разбирање и помагање, со сплотеност и единство во нашето кревко национално ткиво.
Нека е за многу години големиот празник Свети Климент Охридски!
Љупчо Димовски,
Претседател
на Социјалистичката партија
на Македонија

Соопштение

Социјалистичката партија на Македонија изразува крајно несогласување од одлуката на македонските претставници во мешовита историска комисија да прифатат отворање на црковни прашања како тема на дискусија.
Оваа неразумна одлука на ова откроирано работно тело претставува потврда на ирационалноста од неговото постоење како резултат на штетниот и антимакедонски билатерален договор со источниот сосед.
Социјалистичката партија на Македонија ги потсетува македонските членови-историчари дека древната Орхридска Архиепископија има јасна и потврдена историја за нејзиното создавање, длабоко вкоренета во колективната меморија и во душата на македонскиот народ.
Социјалистичката партија на Македонија истакнува дека било кое црковно прашање не смее да биде тема на дискусија на било која лаичка комисија освен во црковните теолошко хисториски кругови во православниот свет.
Социјалистичката партија на Македонија овој чин го сведува на уште една бугарска провокација, ценејќи дека овој приземен, недоличен и недостоен обид воопшто не може да го загрози статусот и постоењето на Македонската Православна Црква-Охридска Архиепископија.
Социјалистичката партија на Македонија искучува секаква можност за било какви компромисни решенија затоа што е повеќе од очигледно дека кај бугарската страна не постои ниту почетна искрена намера, ниту добра волја, ниту политичка и научноопштествена подготвеност за сериозен разговор, освен антимакедонските стојалишта и отвореното присвојување на македонската историја и култура, македонскиот народ и македонската држава.

Соопштение

Социјалистичката партија на Македонија со внимание се запозна со последната изјава на премиерот на Португалија г-динот Антонио Коста во врска со проширувањето на Европската Унија.
Оттаму, во контекст на сегашните институционални и буџетски услови, ЕУ не може да ги исполни очекувањата од проширувањето што сама ги создаде, а со настанатата криза самото прашање за проширување го стави во центарот на дебатата со што, многуте ветувања дадени во текот на годините, ги зголемија очекувањата, особено во земјите од Западен Балкан.
Европската унија има многу јасни критериуми за пристапување на нови земји-членки, но таа нема критериуми за сопствениот капацитет да прими нови земји-членки.
Сето ова на било кој член на македонската Влада треба да му е совршено јасно, особено на Ковачевски, Маричиќ и Османи.
Социјалистичката партија на Македонија ги осудува лажните претстави и манипулации кои ги создава премиерот, министрите и надлежните институции во Македонија во врска со преговорите со ЕУ, кои сеуште не се ни започнати.
Тие дрско лажат и ги манипулираат граѓаните дека за 8 години ќе станеме членка на ЕУ, а тоа нема никаква врска со реалната состојба, што се потврдува со повеќе изјави на претставници од Унијата, а особено со можните и очекувани вета од Бугарија.
Уште пострашно е што тие безобразно ја злоупотребуваат евроинтеграцијата ставајќи ја во нивниот наратив преку кој перфидно сакаат да се доближат до граѓаните, а во суштина единствено сакаат да ја задржат власта, макар уште за само еден месец, за дополнителни отстапки и предавства, злоупотреби, криминали, местење тендери, распродажби и крадење исклучиво за личен материјално финансиски интерес
Социјалистичката партија на Македонија истакнува дека Владата на Република Македонија предводена од нелегитимниот премиер Ковачевски со полтронскиот однос и прифаќање на сè што се бара од странство, особено со неговиот вазалски однос кон Бугарија и исполнување на сите барања на Софија, само ја доуништува македонската држава.
Социјалистичката партија на Македонија укажува дека е неопходна смена на премиерот и владата и доаѓање на нова влада која е национално определена, стручна и способна со луѓе кои ќе работат во интерес на граѓаните и државата.
Затоа со итни и неодложни предвремени парламентарни избори е потребно да се направи таа смена и да се дефинираат нови стратегии кои со добиениот мандат ќе значат спас на државата и нејзината иднина.

Соопштение

Социјалистичката партија на Македонија искрено ја поддржува иницијативата и чинот на отварањето на Македонскиот културен клуб во Благоевград.

Социјалистичката партија на Македонија без исклучок и со конкретни чекори во минатиот период застана на патот кон остварување на македонскиот национален интерес и правата на Македонците во Бугарија и насекаде низ светот.

Социјалистичката партија на Македонија упатува искрени желби за успешна работа на Македонскиот културен клуб во Благоевград и за цврсто поврзување на Македонците од Бугарија со нивната матица во Република Македонија, во насока на градењето и на националното единство и сплотеност.

Воедно, СПМ очекува дека несметаното работење на Македонскиот културен клуб ќе придонесе за воспоставување на поуспешна соработка меѓу Република Македонија и Република Бугарија, како и на градење односи на доверба, почитување, пријателство и добрососедство меѓу македонскиот и бугарскиот народ.

Сеќавање и почит за другарот Киро Поповски, првиот претседател на Социјалистичката партија на Македонија …

Сеќавање и почит за другарот Киро Поповски, првиот претседател на Социјалистичката партија на Македонија …

Киро Поповски (13 април 1942 во Вратница, Тетовско — 29 октомври 1995 во Скопје) ― македонски правник, политичар и прв претседател на Социјалистичката партија на Македонија.
Гимназијата ја завршил во Скопје и дипломирал на Правниот факултет во Скопје во 1965 година. Како младинец, бил претседател на Градскиот комитет и претседател на Претседателството на ЦК на Сојузот на Социјалистичката младина на Македонија, а потоа секретар и претседател на Советот на ССМ, претседател на Извршниот одбор на Републичката СИЗ за физичка култура, претседател на Комисијата за прашања од општествено-политичкиот систем, член на Одборот за прашања од областа на општественото уредување, безбедноста и односите со странство, член на Комисијата за прашања од општествено-политичкиот систем на Извршниот совет на Собраниет на СРМ, член на Извршниот совет на Собранието на СРМ, претседател на Републичката конференција на ССРНМ и прв претседател на Социјалистичката партија на Македонија (22 септември 1990 – јули 1995) и потпретседател на Собранието на Македонија од 1991 до 1995 година.

На денешен ден се навршуваат 27 години од неговата смрт.
Вечна слава за другарот Киро Поповски.

Социјалистичка партија
на Македонија

 

Честит 23-ти октомври

Денот на основањето на македонската револуционерна организација е пресвртницата со која започна долгиот пат за создавање на независна македонска држава, искрата од која се роди денешното македонско Сонце!

Благодарение на свеста и визијата на тогашните напредни македонски интелектуалци, угледни луѓе и социјалисти за слобода, човечко достоинство и за правда, се поставија основите за почеток на револуционерната борба. За прв пат се обединија прогресивните сили во заедничкиот стремеж за остварување на националните и социјални идеали.

Основната карактеристика за македонската револуционерна организација, и покрај различниот пристап, концепт или идеолошко сфаќање, секогаш била само една и единствена заедничка идеја-Македонија слободна и независна.

Затоа и денес, врз основа на актуелните состојби во Република Македонија, проследени со внатрешни подделби и изневерувања, Социјалистичката партија на Македонија смета дека македонскиот народ историски е вратен повеќе од стотина години наназад, во времето на жестоката борба за национално ослободување и осамостојување, кога токму Организацијата била единствената форма на делување во заштита на народот и на македонските интереси.

Оттаму денес Социјалистичката партија на Македонија укажува на поуката од величината на денешниот ден дека без оглед на вера, етникум, идеологија, партиска или било каква определба потребно е обединување околу идејата за Македонија како демократска, развиена, напредна и просперитетна Република на сите граѓани.

Социјалистичката партија на Македонија повикува на надминување на предизвиците на современото време, на мир, трезвеност, спокој, разум, љубов и на грижа кон државата.
Но, меѓусебните судири и длабоки недоразбирања да ги надминеме со премостување на разликите и во поднесувањето на одговорноста за изневерувањата пред македонскиот народ.

Само во такви услови ќе можеме да продолжиме да градиме иднина, инспирирани од родољубието, пожртвуваноста и од хероизмот на нашите револуционери.

Нека е вековит 23 Октомври, Денот на револуционерната борба!
Да живее Македонија!

Честит 11-ти Октомври

Почитувани граѓани на Република Македонија,

Денес го чествуваме 11 Октомври, Денот на народното востание, симболот на големата народно-ослободителна и антифашистичка борба која во 1941 година слободуљубивиот и правдољубив македонски народ ја поведе против фашистичките окупатори.

11 Октомври е Ден кој претставува најава на големата победа темелена на вредностите на слободата и човечкото достоинство, а сèнародната борба против фашистичкиот окупатор е пример за пркосот и желбата да се опстои на вредностите во кои искрено верува македонскиот народ.

Токму народно ослободителната борба придонесе Македонија и Македонците да ја извојуваат величенствената победа врз фашистичките окупатори и да го дочекаат крајот на Втората Светска Војна на страната на победниците и поборниците на мирот, слободата, демократијата и почитувањето на човековите права.

Нашиот македонски народ на најдобар можен начин го докажа својот државотворен капацитет и право на изградба на самостојна, суверена и слободна држава, резултат на сите претходни востанија и лични саможртвувања, вткаени во битието на нашата нација.

Прославувајќи го овој ден и сеќавајќи се на сите жртви со голема почит и благодарност длабоко им се поклонуваме. Поголемиот дел од нив се раководеле од социјалистичкиот идеал за класна рамноправност и социјална правда подеднакво за сите, со што народно ослободителната борба во себе ја соддржи и револуцинерната димензија.

 

Драги сограѓани, народе македонски и граѓани на Македонија,

Тоа што некогаш беше борба за слобода денес во ова време неврема за македонскиот народ и држава претставува борба за самооддржување и опстанок на нацијата и државата. Македонија и македонскиот народ кои се соочува со отворено оспорување на неговото постоење со негирање на македонскиот идентитет, македонскиот јазик, историјата, културата, државноста, државотворноста и се што е македонско. Овие големи предизвици се наметнати од наши недробронамерни соседи, но и од внатрешни политички отпадници кои за своите недела единствено се ракововдат со материјални и финансиски интереси, лицемерно затскриени со ветувања за интегративна подобра иднина и живот.

Едиствено македонскиот народ сам може да ги постигне и да ги избори тие цели во својата дтжава. Затоа за македонските работи потребно е да одлучуваат самите Македонци.

Треба сите да бидеме свесни за големите предизвици и макотрпната борба која не очекува за нашата иднина. Низ нашето богато минато научени сме на таква борба за што денес ни е потребно како никогаш до сега меѓусебно сплотување и единство во пребродувањето на проблемите, надворешни и внатрешни, со кои се соочува нашата држава и нација.

Ние Македонците и сите граѓани во Република Македонија таа борба ќе ја извојуваме по секоја цена.

Тоа е идеалот кој денес е предизвик за нашата генерација и ние мораме да одговориме најдобро што можеме, како што тоа го направиле нашите предци, со срце, со љубов за својата земја, со беспоштедност и со многу напорна работа.

Нека ни е честит и вековит општонародниот празник 11 Октомври!

Нека ни е успешна и вечна Татковината!

Да живее Република Македонија!

 

Ваша

Социјалистичка партија

на Македонија

 

Соопштение

Социјалистичката партија на Македонија оценува дека отварањето на бугарскиот клуб „Цар Борис Трети“ во Охрид е продолжување на омаловажувањето и понижувањето на македонскиот народ и на граѓаните во Македонија со согласност и дозвола на однародената и нелегитимна македонска власт.

Социјалистичката партија на Македонија жестоко се спротивставува на отворените територијални претензии и желбите за бугаризација на македонското општество и држава. Со индигнација го одбиваме безсрамното и отворено посегање кон сите македонски вредности на бугарската власт, со потценувачкиот и непријателски однос кон Македонците и злоупотребата на европските институции за освојувачки цели.
Фашистичкиот бугарски цар Борис не заслужува ни да се спомне во Македонија заради злосторствата што се направени под негова команда за кои сèуште има живи сведоци на крвавите злодела и на поразот на бугарските фашисти во Македонија.

Социјалистичката партија на Македонија жестоко го осудува полтронското молчењето на надлежните институции во Македонија.
Ниту инфериорниот премиер Ковачевски, ниту недораснатиот министер Османи не се изјаснија дека не треба да се дозволи отварањето на ваков квази клуб.
Тие и дозволуваат на бугарската непријателска власт да влијае врз нашите граѓани со империјални интереси за територијата на Македонија, за бришење на македонската историја, со негирање на македонскиот идентитет, со непризнавање на македонскиот јазик и на се што е македонско.
И сето тоа сред македонската држава на очиглед на македонскиот народ и граѓани, пред слепата и глува апатридна и антимакедонска социјалдемократска клика.
Отворањето на други клубови како и ширењето на пропаганда во интерес на бугарската кауза треба и мора да се забрани.
Народот во Македонија со право реагира и протестира против оваа ненародна власт која дозволува да се подреди Македонија под интересите на Бугарија.
Тоа не смее и нема да помине!

Социјалистичката партија на Македонија напоменува дека Владата со полтронскиот однос и прифаќање на сè што се бара од странство само ја уништува македонската држава.
Недопуштено е да се прават отстапки кои се неприфатливи и кои македонскиот народ ги осуди како велепредавнички и на штета на државата и на идните генерации.

Мора да се бара реципроцитет и во отварањето клубови на Македонци во бугарските градови!

 

Социјалистичката партија на Македонија укажува дека е неопходно да се обединат сите парламентарни и вонпарламентарни политички сили и да се инсистира со сите средства за смена на премиерот и Владата.

Македонските социјалисти укажуваат дека итни и неодложни предвремени парламентарни избори се неопходни за спас од пропаѓање и колапс на државата од сегашната ненародната власт.

Соопштение

Социјалистичката партија на Македонија даде безрезервна поддршка и цврсто застана зад кандидатурата на г-ѓа Данела Арсовска за градоначалник на Скопје.
Заедно со Коалицијата „Обнова на Македонија“ ја поддржавме Данела Арсовска и Програмата „Модерно Скопје“, концепт кој овозможува развој на Скопје, онаков каков што бараат и каков што заслужуваат граѓаните на главниот град.
Една година подоцна, претходно воздржувајќи се од реакција и во очекување на нејзина посериозна заложба, општиот заклучок е дека реализацијата на овој концепт е во стагнација или е исполнет многу малку.
Социјалистичката партија на Македонија имаше разбирање за ставот на градоначалничката Данела Арсовска за нејзината независност во извршувањето на должноста и обврската во реализацијата на предизборните ветувања засновани на Програмата, во насока на нејзината максимална посветеност подеднакво кон сите граѓани. Меѓутоа, за сметка на декларативната независност, неприфатлив е нејзиниот неразумен и одмазнички однос кон кадрите предложени од политичките партии кои застанаа зад нејзината кандидатура и промоција и кои несебично учествуваа во изборната кампања.
Со тоа сметаме дека таа, со потценувачкиот однос, не само што ги предаде политичките партии од Коалицијата „Обнова на Македонија“ и пошироко кои искрено и цврсто застанаа зад неа, туку ја изневери довербата и очекувањата на граѓаните на Скопје кои го дадоа својот глас за неа и за Програмата „Модерно Скопје“.
Социјалистичката партија на Македонија смета дека Арсовска повеќе не е независен градоначалник, туку само личност која, од само за неа познати причини, ја промени политичката страна и го напушти концептот кој им го ветуваше на граѓаните. Чесно е тоа јавно да се каже, а не наводната независност да се темели на оцрнување на кадрите во јавните претпријатија и градската администрација како неспособни и криминогени, што претставува апсолутна невистина. Таквите квалификации токму за неа би можеле да бидат својствени и за неа да се однесуваат.
Зошто г-ѓата Арсовска започна да се однесува на тој начин, може само да се претпостави, но тоа во ниту еден случај неможе да се одобри.
Денес неотповиклива оставка поднесе и в.д.директорот на ЈП „Паркови и зеленило“. Во изминатиот период само неговата стручност, високиот морален интегритет и посветеност во исполнувањето на предвидените програмски активности овозможија стабилизирање и развој на ова Јавно претпријатие. Дополнителните информации за проекциите за финансиската состојба во Градот Скопје и останатите градски Јавни претпријатија, без соодветна поддршка не влеваат надеж за ефикасно извршување на тековните активности на Јавното претпријатие, но и за реализација на програмските цели во делот на уредување на градското зеленило и заштита на животната средина.
Социјалистичката партија на Македонија целосно ја разбира одлуката на в.д.директорот на ЈП „Паркови и зеленило“ и истата ја поддржува. Со тоа г-ѓата Арсовска во својот тим повеќе нема да има ниту еден претставник од Коалицијата „Обнова на Македонија“ која ја донесе на позицијата Градоначалник.
Воедно, напоменуваме дека Социјалистичката партија на Македонија во ниту еден случај нема да прифати да соучествува и да биде дел од новонастанатата констелација во Град Скопје каде што доминатна улога ќе има или ќе се работи под закрилата на политичка партија од извршната власт, осведочена со голиот материјално-финансиски интерес и со изневерување на интересите на граѓаните на државата и на Град Скопје, а со која СПМ оддамна нема согласност за сите прашања по идеолошка и национална основа.
Социјалистичката партија на Македонија, како сериозен политички субјект и дел од Коалицијата „Обнова на Македонија“ ќе продолжи со поддршката на сите проекти од заедничката Програма „Модерно Скопје“. Но сепак, ќе станеме силни критичари на сите испади на градоначалничката и на сите отстапки кои ќе ги направи надвор од она што им го ветивме на скопјани.

Реакција на СПМ за културно-пропагандната мисија на Бугарија во Битола и Охрид

Социјалистичката партија на Македонија изразува најенергичен протест и незадоволство од постапките и изјавите на високи бугарски функционери при нивната културно-пропагандна мисија изминативе два дена во Битола и Охрид.

Начините се менуваат, но целите остануваат исти!

Со именувањето на наводниот културен центар во Битола со името на големиот непријател на македонскиот народ, Ванчо Михајлов, актуелната бугарска политика потврдува дека и понатаму стои зад нивните вековни експанзионистички политики кон македонскиот народ.

На сите им е добро позната дејноста на продадениот Македонец кој во бројни акции, во нарачани и директно извршени брутални пресметки уби преку стотина македонски револуционери и интелектуалци, кои својата револуционерна дејност за слободна и независна Македонија ја извршуваа во тогашната бугарска фашистичка држава.

Највисоките бугарски раководители од сегашното и од поранешното бугарско раководство со злоупотребата на гостопримството на македонскиот народ или со сервилното однесување на актуелната македонска власт, потврдија дека нема светли хоризонти во македонско-бугарското пријателство и добрососедство, на кое се повикуваат, со што всушност потврдуваат дека работат на повампирување на бугарскиот експанзионизам во независна и слободна Република Македонија.

Осознавајќи ги вистинските намери на актуелната бугарска политика, македонскиот народ ќе ги повтори вековните македонски пораки срочени во стиховите на добро познатата и прифатена народна песна од времето на Народно Ослободителната Војна.

Се надеваме дека и напредната Европа го виде вистинското лице на актуелната бугарска гарнитура дека со своето отворено дејствување работи на реставрација на великобугарските интереси во срцето на модерна Европа.

Поради тоа, слушајќи го гласот на народот, Социјалистичката партија на Македонија енергично бара од актуелната македонска Влада времено прекинување на започнатите разговори со Република Бугарија и целосно почитување на Резолуцијата за утрвдување на македонските државни позиции во контекст на блокадите на европските интеграции, едногласно усвоена во Собранието на Република Македонија.

Оттаму, Социјалистичката партија на Македонија смета дека во наредниот период од страна на истакнати македонски историчари, интелектуалци и пошироката јавност е потребно да се соопштат сознанијата за вистинките намери и состојби во односите меѓу Бугарија и Македонија во минатото и денес.