Реакција на СПМ за културно-пропагандната мисија на Бугарија во Битола и Охрид

Социјалистичката партија на Македонија изразува најенергичен протест и незадоволство од постапките и изјавите на високи бугарски функционери при нивната културно-пропагандна мисија изминативе два дена во Битола и Охрид.

Начините се менуваат, но целите остануваат исти!

Со именувањето на наводниот културен центар во Битола со името на големиот непријател на македонскиот народ, Ванчо Михајлов, актуелната бугарска политика потврдува дека и понатаму стои зад нивните вековни експанзионистички политики кон македонскиот народ.

На сите им е добро позната дејноста на продадениот Македонец кој во бројни акции, во нарачани и директно извршени брутални пресметки уби преку стотина македонски револуционери и интелектуалци, кои својата револуционерна дејност за слободна и независна Македонија ја извршуваа во тогашната бугарска фашистичка држава.

Највисоките бугарски раководители од сегашното и од поранешното бугарско раководство со злоупотребата на гостопримството на македонскиот народ или со сервилното однесување на актуелната македонска власт, потврдија дека нема светли хоризонти во македонско-бугарското пријателство и добрососедство, на кое се повикуваат, со што всушност потврдуваат дека работат на повампирување на бугарскиот експанзионизам во независна и слободна Република Македонија.

Осознавајќи ги вистинските намери на актуелната бугарска политика, македонскиот народ ќе ги повтори вековните македонски пораки срочени во стиховите на добро познатата и прифатена народна песна од времето на Народно Ослободителната Војна.

Се надеваме дека и напредната Европа го виде вистинското лице на актуелната бугарска гарнитура дека со своето отворено дејствување работи на реставрација на великобугарските интереси во срцето на модерна Европа.

Поради тоа, слушајќи го гласот на народот, Социјалистичката партија на Македонија енергично бара од актуелната македонска Влада времено прекинување на започнатите разговори со Република Бугарија и целосно почитување на Резолуцијата за утрвдување на македонските државни позиции во контекст на блокадите на европските интеграции, едногласно усвоена во Собранието на Република Македонија.

Оттаму, Социјалистичката партија на Македонија смета дека во наредниот период од страна на истакнати македонски историчари, интелектуалци и пошироката јавност е потребно да се соопштат сознанијата за вистинките намери и состојби во односите меѓу Бугарија и Македонија во минатото и денес.

Став на СПМ за резултатите од Пописот 2021

 

Социјалистичката партија на Македонија оценува дека пописот е неуспешен, нецелосен, манипулирачки и тој им нанесува штета на националните интереси на граѓаните во Македонија.
Со партиско-политичкиот инжењеринг се прават обиди да се избрише македонската нација и со тоа да се оспори македонската држава.
Со непопишување на 21,5%, или стотина илјади македонски граѓани, како од државата, така и од дијаспората, со изигрување на религиската припадност и со срамната методологија, прикажаните бројки не може да се наречат државен попис.
Јасна е намерата на попишувачот да се предизвика хаос и да се намали бројноста на македонските граѓани. Доказ за тоа е задоволството од лидерот на албанска политичка партија, а незадоволството на политичките партиии на Македонците, Турците, Ромите, Бошњаците и сите други.
СПМ истакнува дека не се почитувани европските правила за попис. Затоа и објавениот е повеќе политичка операција со нереални показатели.
Одговорните фактори не ги согледуваат последици од оваа политичка операција која го урива мирот и спокојството во државата.
Затоа треба да се понесе одговорност, особено од страна на директорот на ДЗС заради несупешната акција што ја нарекува попис и од кој во ниту еден случај нема да можат да се креираат реални економски и развојни политики во иднина, наместо спроведување на теснопартиски интереси по етничка основа.
Оттаму, за Социјалистичката партија на Македонија не се прифатливи резултатите од пописот – 2021 година што ги објави Државниот завод за стастистика.
Македонските социјалисти бараат нов пристап и нов попис што ќе го спроведе легитимна власт што ќе дојде како резултат на нови избори кои треба да се одржат што поскоро.

ПОБЕДНИЧКА СОВЕТНИЧКА ЛИСТА НА КОАЛИЦИЈАТА ”ОБНОВА НА МАКЕДОНИЈА”’ ЗА БИТОЛА !!!

Советничкиот тим на Коалицијата “Обнова на Македонија” и на кандидатот за градоначалник д-р Тони Коњаноски за новиот почеток на Битола🇲🇰❗

Социјалистичка партија на Македонија дава силна поддршка на кандидатот за советник и новата гордост на СПМ Битола м-р Марта Ѓоргиевска која на претстојните Локални избори ќе настапи како дел од обединетата коалиција “ЗА ОБНОВА НА МАКЕДОНИЈА ”
ПОБЕДА ЗА БИТОЛА❗🇲🇰
ПОБЕДА ЗА МАКЕДОНИЈА❗🇲🇰

ПОБЕДНИЧКА СОВЕТНИЧКА ЛИСТА НА КОАЛИЦИЈАТА ”ОБНОВА НА МАКЕДОНИЈА”’ ЗА ОХРИД !!!

Пред нас е голема победа‼
Промените почнуваат од Охрид❗
Време е❗
Победничката листа на советници на Коалицијата “Обнова на Македонија”, заедно со кандидатот за градоначалник на Општина Охрид Крил Пецаков❗

ПОБЕДНИЧКА СОВЕТНИЧКА ЛИСТА НА КОАЛИЦИЈАТА ”ОБНОВА НА МАКЕДОНИЈА”’ ЗА ГЕВГЕЛИЈА !!!

Победничката советничка листа на Коалицијата “Обнова на Македонија” и Андон Сарамандов, кандидат за градоначалник на Гевгелија❗
Поддршка за Надица Ристовска кандидат за советник од Социјалистичката партија на Македонија🇲🇰

ПОБЕДНИЧКА СОВЕТНИЧКА ЛИСТА НА КОАЛИЦИЈАТА ”ОБНОВА НА МАКЕДОНИЈА”’ ЗА ВЕЛЕС !!!

Силна поддршка за Нада Јованова, кандидат за советник од Социјалистичката партија на Македонија🇲🇰
Чесно, одговорно и посветено, сите заедно за зачувување на нашиот убав град, негов развој и достоинствен живот за сите велешани ‼

ПОГУБНАТА И КАТАСТРОФАЛНАТА ВЛАДИНА ПОЛИТИКА ДЕНЕС ПРЕТРПЕ УШТЕ ЕДЕН ГОЛЕМ ПОРАЗ !!!

Денес победи разумот и грижата за граѓаните од страна на ВМРО-ДПМНЕ и Коалицијата „Обнова на Македонија“, наспроти бизнис интересите на фамилијата Заеви.
Имено, сакаме да ја информираме јавноста дека благодарение на заложбите и упорноста на Пратеничката група на ВМРО-ДПМНЕ и Коалицијата за „Обнова на Македонија“, денес владината коалиција и владејачкото мнозинство, по претходна иницијатива и барање на Пратеничката група на ВМРО-ДПМНЕ и Коалицијата за „Обнова на Македонија“, го повлекоа Предлог – законот за контрола на опојни дроги и психотропни супстанци, во јавноста попознат како Закон за марихуана.
Во моменти кога ситуацијата во Република Македонија е катастрофална во сите сфери од секојдневното живеење, власта предводена од Зоран Заев и СДСМ без ни малку срам, по којзнае кој пат се обиде да го протне Законот за марихуана во Собранието на Република Македонија, злоупотребувајќи го европското знаменце со цел одбегнување на дебата и аргументирана дискусија од страна на опозицијата.
Како одговорни и загрижени пратеници, за ова грубо кршење на процедурите, злоупотреба на европското знаменце и уривање на парламентарната демократија, брзо и навремено испративме допис и до делегацијата на Европската Унија и дипломатските претставништва во Република Македонија, нотирајќи ја намерата на власта на шверцерски и недемократски начин да си носи закони кои единствено се во интерес на бизнисите на врхушката на власт.
Имено, како резултат на нашата заложба и упорност, успеавме и не дозволивме овој Предлог на закон да помине на мала врата во Собранието на Република Македонија. Успеавме да докажеме дека на оваа власт најважни им се бизнис интересите и коалициските договори, а не интересите на граѓаните и решавање на нивните секојдневни проблеми кои се сурова реалност за огромен број на граѓани.
На крајот, сакаме да потенцираме и да упатиме порака до власта дека како и досега, така и отсега, Пратеничката група на ВМРО-ДПМНЕ и Коалицијата „Обнова на Македонија“ нема да дозволат вакви исти или слични сценарија и обиди на власта за носење на закони штетни за граѓаните, туку напротив силно и без двоумење во секоја прилика ќе ги штитиме и застапуваме интересите и барањата на граѓаните кои ги застапуваме во законодавниот дом на Република Македонија.

ПРЕДЛОГ ОДЛУКА ЗА РАЗРЕШУВАЊЕ НА МИНИСТЕРОТ ЗА ЗДРАВСТВО ВЕНКО ФИЛИПЧЕ

Пратеничката група на ВМРО-ДПМНЕ и Коалицијата „Обнова на Македонија“ ќе достави предлог одлука за разрешување на министерот за здравство Венко Филипче заради лошиот менаџмент на здравствената криза која што кулуминираше со трагичниот случај на новоизградената болница во Тетово која што се запали и за жал однесе 15 човечки животи.
Оваа предлог одлука ја засноваме на членот 68 од Уставот на Република Македонија, а слична таква предлог одлука доставиле оние кои што денеска ја критикуваат односно пратеничките групи на СДСМ и НСДП во 2013 година, 25 октомври врз основа на овој член доставиле предлог одлука за разрешување токму на оваа уставна норма.
Она го кажа Претседателот на Собранието, господинот Талат Џафери дека тој ќе одбие една ваква предлог одлука како неоснована, ние имаме едно прашање за господинот Џафери.
Дали господинот Џафери е избран од граѓаните кои што треба да ги штитиме или тој е избран за да ги штити министрите?
После една ваква катастрофа кава што беше горењето на болницата во Тетово, сметаме дека Талат Џафери треба да се стави во улога на заштита на граѓаните и конечно да искаже политичка воља оставката на Венко Филипче да биде констатирана во Собранието бидејќи после една ваква катастрофа најмалку што може Собранието да направи за граѓаните е да ја констатира оставката на Филипче, а потоа истражните органи да си ја водат работата кон тоа дали и кој сноси кривична одговорност.
Има и прашања зошто не поднесовме Интерпелација за Венко Филипче што е исто така уставна и деловничка можност, одговорот е едноставен. ВМРО-ДПМНЕ и Коалицијата „Обнова на Македонија“ пред три години поднесоа интерпелација против тогашниот министер за култура Роберт Алаѓозовски и таа интерпелација Талат Џафери три години ја криеше во фиока, никогаш не дојде на дневен ред. Имаме уште неколку тековни интерпелации поднесено против министри од тековната Влада и Талат Џафери сеуште ги чува во фиока и не се дојдени на дневен ред. Затоа, не сакаме да си играме со ваквите можности затоа што Талат Џафери се поставува како заштитник на министрите, како да е министер во Владата, а не Претседател на Собранието како граѓански демократски дом.
Затоа цениме дека оваа катастрофа во Тетово кон жртвите, нивните семејства, но и кон сите пациенти и граѓани треба да ја завршиме со констатација на оставката на министерот Филипче тука во Собранието и да се избере нов министер за здравство кој што ќе може на подобар начин да го води овој ресор.

Пожарот и одговорноста

Пожари постојат откако постои човекот. Огнот е пријател за опстанок на луѓето кога им треба греење и топлина, но често може да биде и голем непријател особено во современото урбано живеење.
Трагедијата со модуларната болница во Тетово само ја потврди неспособноста на системот да изгради рационална и ефикасна структура за здравствена заштита на граѓаните. Обични пластични, скапо платени, бараки без потврдена сигурност за животот и здравјето на луѓето.
Одговорност за тоа нема!
Но затоа “имаме” власт неспособна да се справи со огнената стихија и со последиците од неа.
Изразуваме сочувство за жртвите и нивните семејства.
Поддршката доаѓа од сите средини.
Но тоа не ја ублажува нивната болка и загуба.
Се бара одговорност и со право, а грешки има, очигедни се и мора да се утврдат.
Пожарите кои беснееја во август годинава покажаа целосна неспособност на системот за справување со огнената стихија. Одговорност за тоа сеуште нема!
Пандемијата однесе над 6100 жители, почина цел еден град.
Одговорност нема!
По Уставот надлежена институција и одговорна за сите состојби во државата е Владата. Неа ја сочинуват министри и сите треба да понесат одговорност. Во Владата се лоцира сета одговорност за жртвите, за пожарите, за криминалите, корупцијата, митото, извитопереното судство, силуваното образование, неизградени патишта, градинки, растот на задолженоста, дефицитот и др.
Оваа власт мора да си оди на чело со премиерот Заев кој се крие, не се соочува со јавноста и со сопствената одговорност.
Се крие зошто е нспособен ни одговорност да превземе.
Пледира дека е водач со решени историски прашања. А токму историјата ќе ја утврди неговата деструктивна и предавничка улога во уништувањето на македонштината, на името на државата, јазикот, историјата.
Затоа се крие.
Народот му се руга и во лице му кажува дека е неспособен. Но неговиот менатлен склоп не размислува за тоа туку како да украде повеќе, како да го зголеми профитот од фабриките за марихуана, од провизиите и се такви нешта.
Пожарите ги однесоа жртвите но ги освестија луѓето со вистински очи да ги согледаат проблемите и да изберат вистински и одговорни водачи на сите нивоа!
Да избереме водачи кои знаат, кои се посветени, национално определени, способни, храбри и одважни за својата држава Македонија.